Ödənişli təşviqata bir internet televiziyası da qoşulub

Daha üç televiziya parlament seçkiləri ilə əlaqədar ödənişli təşviqata qoşulub. Onlardan ikisi regional, biri isə internet televiziyasıdır.

Bunlar Lənkəranın «Cənub Televiziyası», Xaçmazın «Regional» və «Kanal13» internet televiziyalarıdır.

Ümumilikdə ödənişli təşviqata qöşulan KİV-lərin sayı 63-dür. Onlardan 39-u qəzet, 13-ü agentlik, ikisi paytaxt Bakıdan yayımlanmaqla 11-i televiziyadır.

Azərbaycanda parlament seçkiləri noyabrın 7-də keçiriləcək, oktyabrın 15-dən təşviqat kompaniyasına start verilir. Bu günədək 125 seçki dairəsi üzrə 640 nəfərin namizədliyi qeydə alınıb.