Keçid linkləri

2017, 20 Sentyabr, çərşənbə, Bakı vaxtı 15:18

Gənclərin Rəsulzadə sevgisinin acı aqibəti?


«Dalğa» Gənclər Təşkilatının aksiyası, 26 sentyabr 2007
Polis «Dalğa» Gənclər Təşkilatının 2 üzvünü saxlayıb. Təşkilatdan hesab edirlər ki, buna gənclərin əyinlərindəki köynək səbəb olub.

Təşkilatın həmtəsisçisi Ramin Hacılı:

«Səbəb köynəkdir, Rəsulzadənin şəkli olan köynək. 2 gün əvvəl «Dalğa»nın ofisinə 9-cu polis bölməsinin əməkdaşları gəlib, bildiriblər ki, burda köynək satılır. Uşaqlar isə onları order olmadığından içəri buraxmayıb. Daha sonra polis ofisin qabağında pusqu qurub və üzvlərimiz çıxanda, üzərində Rəsulzadə şəkli olan köynək geyinmiş üzvlərimiz saxlanılaraq əvvəl 39-cu, daha sonra 9-cu polis bölməsinə aparılıblar».

R. Hacılı iddia edir ki, polis bölməsində gənclərə qarşı zorakılıq tətbiq edilir və təzyiq altında köynəyi haradan almaları barədə izahat yazdırmaq istəyirlər.

Səbail rayon Polis İdarəsinin 39-cu polis bölməsinin növbətçi hissəsi bölməyə bir qız, bir oğlanın gətirildiyini istisna etməyib. Ancaq onların kimliyi ilə bağlı heç bir məlumat verməyiblər. Bu bölmədən bildirildiyinə görə, gənclər sonradan 9-cu polis bölməsinə aparılıblar. 9-cu polis bölməsi isə «Dalğa»çıların gətirildiyini təkzib edib.

Sənin fikrin

Şərhləri göstər

Günün bütün mövzuları

XS
SM
MD
LG