İsrail əsgəri fələstinlini güllələyib

İsrail sərhədçisi Şərqi Qüdsə keçmək istəyən fələstinlini güllələyib.

İsrail tərəfinin məlumatına görə,o əsgərin üstünə atılaraq onun silahını ələ keçirmək istəyərkən öldürülüb.

Onunla birlikdə olan fələstinlilərin sözlərinə görə, o, bir neçə vaxtdır ki, İsraildə qanunsuz işləyirmiş.

Fələstinlilər Şərqi Qüdsə gələcək paytaxtları kimi baxırlar.

Bu məsələ İsrail-Fələstin sülh danışıqlarında əsas məsələlərdən biri olaraq qalır.