Sentyabrın 28-də Azərbaycanın müdafiə naziri Səfər Əbiyev Beynəlxalq Qırmızı Xaç Komitəsinin Şərqi Avropa və Mərkəzi Asiya üzrə əməliyyatların rəhbəri Paskal Mej Vaqneri qəbul edib.
Səfər Əbiyev bildirib ki, Qırmızı Xaç Komitəsinin indiki zamanda fəaliyyətini daha da gücləndirməsinə və öz missiyasına uyğun olaraq müharibə qurbanlarının vəziyyəti ilə daha yaxından məşğul olmasına böyük ehtiyac yaranıb.
Xəbəri Müdafiə Nazirliyi mətbuat xidməti yayıb.
Görüş zamanı əsirlərin qaytarılması məsələsi də müzakirə olunub. Səfər Əbiyev iki Azərbaycan hərbçisinin meyitinin geri alınması üzərində xüsusilə dayanıb.