Keçid linkləri

2024, 28 Mart, Cümə axşamı, Bakı vaxtı 13:40

Neft Fondunun büdcəsində dəyişikliklər


Sentyabrın 24-də Dövlət Neft Fondunun (ARDNF) Müşahidə Şurası fondun 2010-cu il büdcəsində dəyişiklik məsələsinə baxıb.

Şuranın toplantısına Baş nazir Artur Rasi-zadə sədrlik edib.

Bu haqda xəbər yayan ARDNF mətbuat xidməti bildirir ki, Müşahidə Şurası Fondun 2010-cu il büdcəsinə dəyişiklikləri məqbul hesab edib. Neft Fondunun büdcəsindəki dəyişikliklərin təsdiq edilməsi üçün Prezidentinə təqdim olunması qərara alınıb.

Dövlət Neft Fondunun 2010-cu ilin büdcəsinə sonuncu dəfə iyul ayında dəyişiklik edilib, gəlir hissəsi 5,96 milyard manatdan 9,03 milyard manata qədər, xərcləri isə 5,42 milyarddan 6,42 milyard manata qədər artırılıb.

Yeni dəyişikliklər təklifi haqda hələlik məlumat verilmir.

Xatırladaq ki, ARDNF-nin sonuncu hesabatına əsasən Neft fondunun 2010-cu ilin 6 ayında büdcə gəliri 6,1, xərcləri isə 2,6 milyard manat təşkil edib

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG