Əfqanıstanda parlament seçkiləri başa çatıb

Seçicilərin fəallığının aşağı olduğu xəbər verilir.

Ekspertlər hesab edirlər ki, sakinlərin çoxu talibançıların hədəsindən ehtiyat etdiklərinə görə, səsverməyə gəlməyiblər.

Seçki günü edilmiş hücumlarda azı 10 nəfərin öldüyü xəbər verilir.

Baqlan əyalətində yaraqlılarla atışmada təhlükəsizlik xidmətinin 6 əməkdaşı ölüb.

Kunar və Nanqarhar əyalətlərində isə bir neçə adam ölüb.

Seçki zamanı təhlükəsizliyin təmin edilməsinə 115 min polis, hərbi qulluqçu və beynəlxalq qüvvələr cəlb olunub.