Sentyabrın sonunda Avropa Şurası Venesiya Komissiyasının nümayəndə heyəti Azərbaycana səfər edəcək.
AzərTAc-ın məlumatına görə, səfərin məqsədi Azərbaycanın Ali Məhkəməsi ilə birgə hazırlanmış, seçkilərin nəticələrindən məhkəmələrə şikayət prosedurlarına həsr olunmuş işçi seminarında iştirak etməkdir.
Seminar Venesiya Komissiyasının Azərbaycanda parlament seçkiləri ərəfəsində keçirmək niyyətində olduğu tədbirlər siyahısına daxildir.