Keçid linkləri

Təcili xəbərlər
2021, 16 Aprel, Cümə, Bakı vaxtı 04:37

Foqts oyundan əvvəl bunları dedi


Berti Foqts
Almaniya yığması ilə oyun ərəfəsində Azərbaycanın milli futbol komandasının baş məşqçisi Berti Foqts Almaniyanın ZDF telekanalının idman bölməsinə müsahibə verib. Kölndə oyunun başlanmasına az qalan yayılan müsahibəni təqdim edirik:

- Kölndə şansıznız necədir, sürprizlər ola bilərmi?

- Biz xəyalpərəstlər ölkəsindən gəlməmişik. Evdə biz bəzi qrup üzvlərini həyəcanlandırdıq, bəzilərinə sürpriz eləmişik. Amma ində təəssüf ki, iki ən yaxşı müdafiəçi və bir hücumçumuz çatışmır.

- Siz Almaniya ilə duelə çoxmu hazırlaşmısınız?

- Müəyyən səbəblərdən ötən bazar ertəsindən Almaniyadayıq.

- Bəs sonra?

- Azərbaycanda 38-40 dərəcə isti var idi, burada 20-21. Almaniyada sözsüz şərait yaxşıdır. Biz çoxdandır bu qədər çox məşq etməmişdik. Mən istərdim ki, oyundan əvvəl oyunçular çətin vəziyyətləri yaşasınlar. Onlar nə qədər mümkünsə, bir o qədər gərginlikdən azad olmalıdırlar ki, oyuna rahat girə bilsinlər.

- Siz 2008-dən millinin məşqçisiniz. Azərbaycan futbolunda nə qədər tərəqqi var?

- Biz Avropanın orta səviyyəsinə çatmaq məqsədinə hələ nail olmamışıq. Amma kiçik addımlar atmışıq. Son 10 oyunun balansına baxsaq, 4 qələbə, 4 heç-heçə və 2 məğlubiyyət görərik. Bu, pis deyil, indi komanda milli komandaya oxşayır.

- Daha konkret ola bilərsinizmi?

- Struktur yaxşılaşıb. Federasiyanın prezidenti öz üzərinə böyük işlər götürüb. Cavan nəslin yetişdirilməsindən söhbət gedir. Burada 15 yaşlılar 6 həftə məşq keçdi. Bayern München və 1899 Hoffenheim komandalarından bizə böyük dəstək oldu.

İndi Azərbaycanda məktəblər var ki, həftədə bir dəfə futbol dərsi keçilir.

Elə edəcəm ki, liqa oyunlarında 3 yerli oyunçu oynasın və ən azı əlavə üçü də ehtiyat skamyasında əyləşsin. Sevinirəm ki, ittifaq məşqçisi Winfried Schäfer də buradadır. Bakı FK-nın isə gənclər akademiyası və təzə məşq meydançası var.

Şərhlər (14)

Bu forum dayandırılıb
XS
SM
MD
LG