Keçid linkləri

2017, 23 Yanvar, Bazar ertəsi, Bakı vaxtı 00:44

Partlayışla bağlı dayanan qatarlar bu gün yola düşəcək


Dağıstanda baş vermiş partlayışla bağlı dayanan qatarlar bu gün yola düşəcək.

Bu barədə AzadlıqRadiosuna «Azərbaycan Dəmir Yolları» QSC-nin mətbuat katibliyinin rəisi Nadir Əzməmmədov məlumat verib:

«Dünən Bakıdan Moskvaya gedən qatar Kizlər stansiyasında, Sank-Peterburqdan Bakıya gələn qatar isə Arteyzan stansiyasında dayanıb. Artıq hüquq-mühafizə orqanları qatarların sərnişinlərinin yerini dəyişməsinə icazə verib. Moskvaya gedən qatar Bakıya gələn sərnişinləri, Sank-Peterburqdan gələn qatar isə Moskvaya gedən sərnişinləri aparacaq».

Dağıstanda partlayış sentyabrın 7-i Bakı vaxtı ilə saat 12.20-də Şimali Qafqaz dəmiryolunun Kizlər stansiyası yaxınlığında baş verib. Həştərxandan Bakıya gələn qatarın sonuncu vaqonunun altında baş verən partlayış nəticəsində qatarın 5 vaqonu relsdən çıxıb. Ölən və yaralanan olmasa da, partlayış qatarların hərəkətini dayandırıb.

Hazırda hadisə yerində hüquq-mühafizə orqanlarının əməkdaşları işləyirlər. Gün ərzində hərəkəti bərpa etmək üçün yolun bir hissəsinin açılması nəzərdə tutulub.

Bakıdan bu istiqamətlərdəki qatarların hərəkət cədvəlində heç bir dəyişiklik edilməyib.
XS
SM
MD
LG