Keçid linkləri

2024, 14 İyun, Cümə, Bakı vaxtı 05:39

Cənubi Qafqazdakı ciddi maneə


Piter Semnebi
Piter Semnebi
«Məcburi köçkünlər problemi Cənubi Qafqazdakı proseslərə ciddi maneədir».

Bunu Avropa Birliyinin Cənubi Qafqaz üzrə xüsusi nümayəndəsi Piter Semnebi Dağlıq Qarabağ Bölgəsinin Azərbaycanlı İcmasıyla görüşündə bildirib.

Onun sözlərinə görə, məcburi köçkünlərlə görüşüb və onların vəziyyəti ilə tanış olub:

«Bu humanitar problem uzun müddətdir, davam edir və Cənubi Qafqazda, strateji regionda gedən proseslərə ciddi maneədir». – Semnebi deyib.

O bildirib ki, münaqişənin həlli ilə bağlı saziş imzalanarkən iki məsələ xüsusilə nəzərə alınmalıdır:

«Bunlar Azərbaycanın ərazi bütövlüyü və məcburi köçkünlərin öz yurdlarına qayıtmasının təmin edilməsidir». – Semnebi bildirib.

APA-nın məlumatına görə, P. Semnebi vaxtilə mövcud olmuş əlaqələrin bərpasının münaqişənin həllinə kömək edəcəyinə inandığını vurğulayıb.

İcmanın rəhbəri, Şuşa rayon İcra Hakimiyyətinin başçısı Bayram Səfərov isə deyib ki, Azərbaycanın ərazi bütövlüyü təmin olunmayınca heç bir iqtisadi əlaqədən söhbət gedə bilməz.

Görüşdə çıxış edən icma üzvləri təklif edib ki, diskussiya aparılması üçün icmanın nümayəndə heyəti Avropa Birliyinə dəvət edilsin. P. Semnebi təklifi müsbət qarşılayıb.

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG