İraqda partlayışlarda onlarla adam ölüb

İraqda ötən gün partlayış və hücumlar zamanı azı 60 nəfər ölüb, 250-dən çox yaralanan olub.

Partlayışlar 10 şəhərdə, o cümlədən paytaxt Bağdadda baş verib. Ölənlər arasında 20 polis əməkdaşı da var.

Təhlükəsizlik qüvvələrini hədəfə alan partlayışlardan əvvəl ABŞ İraqdan sonuncu hərbi hissələsini çıxarıb.

General-mayor Stefen Lanza hücumları İraqın təhlükəsizlik qüvvələrinə inamı sındırmaq üçün atılan «ümidsiz cəhd» adlandırıb.