Soçi sammitində əsasən Əfqanıstandakı vəziyyət müzakirə olunub

Rusiya, Tacikistan,Əfqanıstan və Pakistan prezidentləri Soçidə ifratçılıq,terrorçuluq və narkotik qaçaqçılığına qarşı mübarizə yollarını müzalirə ediblər.

Kremlin mətbuat xidmətinin rəsmi saytında gedən məlumata görə, Dimitri Medvedev, İmaməli Rəhman,Həmid Kərzai və Asif Əli Zərdari terorçuluq və narkotiklərin yayılmasının dünyada sabitliyə təhlükə olduğunu bəyan ediblər.

Danışıqlar zamanı əsasən Əfqanıstandakı vəziyyət, habelə energetika, nəqliyyat və digər sahələrdə əməkdaşlıq məsələsi müzakirə olunub.