Bu gün Yasamal rayon Məhkəməsində fevralın 13-də Bakıda icazəsiz aksiya zamanı həbs edilən 5 nəfər dindarın işi üzrə məhkəmə prosesi sona çatıb. Xuliqanlıqda və hakimiyyət nümayəndəsinə müqavimətdə ittiham olunan Elçin Abbasov və Seymur Hüseynov 4 il, Elmar Səmədov, Ağaəli Yəhyayev və Bilal Əhmədov isə 4 il yarım azadlıqdan məhrum ediliblər.
Vəkil Fəxrəddin Mehdiyev AzadlıqRadiosuna deyib ki, təqsirləndirilənlərin istəyindən asılı olaraq, Apelyasiya Məhkəməsinə şikayət edəcəklər.
Bu il fevralın 13-də bir qrup dindar icazəsiz aksiya keçirmişdi. Aksiyaya polis müdaxilə edəndə dindarlarla polis arasında qarşıdurma yaranmışdı.