O, özünü yaşadığı binanın 5-ci mərtəbəsindən atıb.
Nərimanov rayon Prokurorluğundan verilən məlumata görə, hadisə iyulun 29-da səhər saat 7 radələrində baş verib.
71 yaşlı Qabil Xanbaba oğlu Əliyev Azərbaycan Dövlət Neft Akademiyasında müəllim işləyib. Hadisənin baş vermə səbəbləri hələlik məlum deyil.
Faktla bağlı Nərimanov rayon Prokurorluğunda Cinayət Məcəlləsinin 125.1-ci (qəsdən özünü öldürmə həddinə çatdırma) maddəsi ilə cinayət işi açılıb.