Serbiya Kosovo ilə bağlı Haaqa məhkəməsinin qərarını rədd edib

Serbiya Kosovonun müstəqilliyi ilə bağlı Haaqa məhkəməsinin qərarını rədd edib.

Məhkəmə bu gün Kosovonun müstəqilliyini elan eləməsinin beynəlxalq qanunlara zid olmaması barədə qərar çıxarıb.

Serbiyanın xarici işlər naziri Vuk Yeremiçməhkəmənin qərarından dərhal sonra bəyan edib ki, Belqrad heç vaxt Kosovonun müstəqilliyini tanımayacaq.

O bildirib ki, məhkəmənin bu siyasi qərarı BMT-nin Baş Assambleyasına çıxarılmalıdır.

Kosovo ilə Birləşmiş Ştatlar məhkəmənin qərarını alqışlayıblar.