Mişel Platini CAR-da xəstəxanaya yerləşdirilib

UEFA prezidenti Mişel Platini Yohannesburqda xəstəxanaya yerləşdirilib. O, şəhərdəki restoranlardan birində huşunu itirib.

Məlumatı «Reuters» agentliyinə UEFA prezidentinin nümayəndəsi verib.

Mişel Platininin xüsusi müşaviri Uilyam Qeyllard bildirib ki, ilkin tibbi müayinə zamanı ciddi heç nə aşkarlanmayıb. Futbol üzrə Dünya Çempionatının keçirildiyi CAR-da havaların soyuq olması üzündən Mişel Platinidə soyuqlama əlamətləri və qızdırma olub: «O, qaydasındadır. Hazırda müayinə keçirilir. Mişel Platininin huşu özündədir». /APA/