ABŞ Çini bu həftənin əvvəli 8 il müddətinə azadlıqdan məhrum edilmiş Çin mənşəli Amerika vətəndaşı Xu Fenqi azad etməyə çağırıb.
İxtisasca geoloq olan Fenq Çinin neft sənayesi haqqında dövlət sirlərini alıb-satmağa cəhddə ittiham olunur.
Müttəhimin vəkilləri bildiriblər ki, 2007-ci ilin noyabrında həbs olunmuş Fenq təcridxanada saxlanılarkən ağır işgəncələrə məruz qalıb.
Dövlət Departamentinin sözçüsü Mark Toner deyib ki, Çindən Fenqi azadlığa buraxıb dərhal ABŞ-a deportasiya etməyi xahiş ediblər.