Türkiyənin İstanbul şəhərində hərbçiləri aparan avtobusda partlayış olub. Üç hərbçi və hərbçilərdən birinin məktəbə gedən 17 yaşlı qızı həlak olub. 15 nəfər yaralanıb.
İstanbul valisi Hüseyn Avni Mutlu partlayışın terror hadisəsi olduğunu bildirib.
Hazırda Türkiyə silahlı qüvvələri İraqla sərhəddəki ərazidə PKK-çılara qarşı mübarizə aparırlar. Bir neçə gün əvvəl 12 türk hərbçisinin həlak olmasından sonra əraziyə əlavə qoşun hissələri gətirilib.