Yamaykada təhlükəsizlik qüvvələri ilə narkobaron Kristofer Koukun silahlı şəxsləri arasında gedən döyüşlərdə azı 4 nəfər həlak olub. Onlardan 2-si polis, 1-i hərbçidir.
Yamaykanın paytaxtı Kinqstonda silahlı qarşıdurma artıq 2 gündür ki, davam edir. Baş nazir Bryus Qoldinq paytaxtın bir neçə rayonunda fövqəladə vəziyyət elan edib. Hər şey baş nazirin narkotika və silah ticarətində ittiham olunan narkobaronun ABŞ-a ekstradisiyası barədə göstərişindən sonra başlayıb.