Palermo sakinləri reklamda Hitlerin təsvirinə görə ölkə prezidentinə etiraz edirlər

İtaliyanın Palermo şəhərində yeni paltar reklamında qolunda svastika, hərbi uniformada Hitlerin təsvir olunmağı
İtaliyada antifaşistlərin böyük narazılığını doğurub.

İkinci Dünya müharibəsi Veteranlarının bu gün yaydığı bəyanatda deyilir ki, bu reklam faşizmə-nasizmə qarşı vuruşanları təhqir edir.

Palermo sakinləri ölkə prezidentinə açıq məktub yazaraq öz etirazlarını bildiriblər.

Reklamı hazırlayan şirkət isə deyib ki, onun məqsədi provokativ şəkildə diqqəti cəlb etmək olub.