Talibançılar Qəndəhardakı hərbi bazaya hücum ediblər

Əfqanıstandakı koalisiya qüvvələrin Qəndəhardakı hərbi bazası minaatanlardan atəşə tutulub.

Nəticədə bir neçə əsgər və mülki işçilər yaralanıb.

Yaraqlılar bundan sonra bazaya soxulmağa cəhd göstərsələr də hücumun qarşısı alınıb.

Yayda Talibana qarşı irimiqyaslı əməliyyat planlaşdırıldığından Qəndəhardakı hərbi hava bazasına minlərlə əlavə qüvvə gətirilir.

Dünənsə Əfqanıstanda törədilmiş hücum və partlayışda 3 koalisiya əsgəri və 1 dinc sakin ölüb.