BP şirkəti etiraf edib ki, onun Meksika körfəzində qəzaya uğramış platformasından dənizə axan neftin miqdarı əvvəl söyləniləndən daha çoxdur.
BP neçə həftə idi ki, neft quyusundan suya gündə 5 min barrel xam neftin axdığını bildirirdi. Ancaq indi şirkətin sözçüsü deyib ki, quyunun ağzına boru yerləşdirildikdən sonra təkcə həmin borudan gündə 5 min barrel neft keçir.
Dənizə isə hələ də xeyli miqdarda neft axmaqda davam edir. Neft ləkəsi artıq Luiziananın bir çox nadir quş və heyvan növlərinin yaşadığı bataqlıqlarına çatıb.