ABŞ-ın Milli Kəşfiyyat üzrə Direktoru Denis Bleyr vəzifəsindən istefa verib. O, bu qərarını prezident Barak Obama ilə görüşündən sonra açıqlayıb.
Ötən ilin dekabrında ABŞ təyyarəsinin, bu ilin mayında isə Nyu-Yorkda partlayıcı ilə dolu bir avtomobilin terror cəhdlərindən sonra ABŞ-ın kəşfiyyat strukturları qınaq obyekti olmuşdu.
Milli Kəşfiyyat üzrə Direktor vəzifəsi 11 sentyabr hadisələrindən sonra ölkənin 16 kəşfiyyat qurumu arasında koordinasiyanı təmin etmək məqsədilə yaradılıb.