İranda həbsdə saxlanan üç amerikalı tələbə bu gün anaları ilə görüşüblər. Bu haqda İran televiziyası xəbər verib. Saxlananların anaları Tehrana İran hakimiyyətinin razılığından sonra gəliblər.
Həbsdə saxlanan tələbələr - iki gənc oğlan və qız casusluqda ittiham olunurlar. Onlar keçən ilin iyul ayında İran-İraq sərhəddində həbs olunmuşdular. Tələbələr ittihamı qəbul etmir, İran sərhəddinə səhvən gəlib çıxdıqlarını bildirirlər.