Gələn il Bakıda “Ümumdünya Mədəniyyətlərarası Dialoq Forumu” keçiriləcək. Bu haqda mədəniyyət və turizm naziri Əbülfəz Qarayev məlumat verib.
O deyib ki, Azərbaycan hökumətinin təşəbbüsü ilə keçiriləcək bu foruma UNESCO, Avropa Şurası və başqa təşkilatlar dəstək verib.
Əbülfəz Qarayev forum çərçivəsində Bakının “Ümumdünya Dialoq Paytaxtı” elan olunacağının gözlənildiyini də deyib.