Rusiya Türkiyədə Atom Elektrik Stansiyası tikəcək

Rusiya ilə Türkiyə bu gün Ankarada Türkiyədə ilk atom elektrik stansiyasının tikintisi ilə bağlı müqavilə imzalayıblar.

Rusiyanın köməkliyi ilə Aralıq dənizi sahillərində qurulacaq stansiyanın tikintisi 20 milyard dollara başa gələcək.

Müqavilə Rusiya prezidenti Dimitri Medvedevin Türkiyəyə səfəri zamanı imzalanıb.

Həmçinin tərəflər arasında yüksək səviyyədə Rusiya-Türkiyə əməkdaşlıq şürası yaradılıb.

Dimitri medvedev bu gün Ankarada türkiyəli həmkarı Abdulla Güllə keçirdiyi birgə mətbuat konfransında iki ölkə arasındakı strateji münasibətlərin inkişafını yüksək qiymətləndirib.

Səfər zamanı neft və qaz sahələri də daxil olmaqla tərəflər arasında 20-dən çox razılşama imzalanacağı gözlənilir.