Beynəlxalq aləm Əfqanıstanda hələ çox iş görməlidir

Əfqanıstan prezidenti Həmid Kərzai hesab edir ki, beynəlxalq aləm ölkədə sabitlik və təhlükəsizliyin təmin edilməsində hələ çox iş görməlidir.

Kərzai Birləşmiş Ştatlara səfəri ərəfəsində Vaşinqton Post qəzetinə müsahibəsində deyib ki, yaraqlılara qarşı aparılan hərbi əməliyyatlar zamanı dinc sakinlər arasında itkilər milli barışığı əngəlləyir.

Həmid Kərzai Vaşinqtonda ABŞ prezidenti Barak Obama ilə ölkədəki vəziyyət və ikitərəfli münasibətləri müzakirə edəcək.