Pakistan talibançılarının lideri Hakimulla Məsudun internetdə yeni video görüntüləri yayılıb. Onun hələ bir neçə ay bunda əvvəl Amerika qüvvələrinin raket zərbəsi nəticəsində qətlə yetirildiyi bildirilmişdi.
Yaraqlıların media orqanlarının monitorinqini aparan ABŞ-dakı İntelsentr qrupunun bildirdiyinə görə, 9 dəqiqəlik videoda Məsud öldürüldüyü barədə məlumatları təkzib edərək, ABŞ-ın iri şəhərlərinə terror hücumu təşkil edəcəklərinə söz verib.