İranın bütün çağırışlarına baxmayaraq, Bosniya BMT-nin Təhlükəsizlik Şurasının iclasında İrana qarşı yeni sanksiyalar müzakirə edilərkən, Qərb dövlətləri ilə eyni mövqedən çıxış edəcək. Ölkə rəhbəri Hris Silaciç İranın xarici işlər naziri Manuçöhr Mottaki ilə görüşündən sonra belə deyib.
NATO-ya və Avropa Birliyinə üzvlüyü strateji məqsəd seçmiş Bosniya Təhlükəsizik Şurasının daimi olmayan 10 üzvündən biridir. Rəsmi Tehran yeni sanksiyalardan yayınmaq üçün bu ölkələrdən dəstək axtarışındadır.