Ukrayna prezidenti Viktor Yanukoviç bildirib ki, Çernobl nüvə rekatoru hələ də Avropa üçün təhlükə mənbəyi olaraq qalır.
Bu barədə o, aprelin 26-da - Çernobl atom elektrik stansiyasında baş vermiş qəzanın 24-cü ildönümü günü bildirib.
1986-cı ildə baş vermiş bu qəzaya görə hələ də Ukrayna, Belorus və Rusiyanın bəzi əyalətlərindən 300 min nəfər öz evlərinə dönə bilmirlər. Qəzaya uğramış zavodun qalıqlarından Avropaya radiasiya dalğalarının yayılması təhlükəsi hələ də sovuşmayıb.
Anım mərasimində çıxış edən Ukrayna prezidenti faciə qurbanlarına daha çox qayğı göstəriləcəyinə vəd verib.
(VİDEO: Çernobıl Atom stansiyası və Pripyat şəhərinin xarabalıqlarından ən son görüntülər)
