Keçid linkləri

2024, 24 İyun, Bazar ertəsi, Bakı vaxtı 03:50

Tanınmış yazıçılardan qeyri-adi aksiya


Ukraynanın tanınmış yazıçıları insanların sözə, kitaba marağını artırmaq üçün paytaxt Kiyevdə avtoyürüş keçirəcəklər.

Aprelin 23-də - Beynəlxalq kitab günündə peşəkar yazıçılar maşınlara dolub bayraq qaldıracaq, şəhərin əsas küçələriylə şütüyəcəklər.

Həmişə olduğu kimi avtomobil karvanının önündə yaşıl “zaparojets” gedəcək.

Belə avtoyürüş artıq üçüncü ildir ki keçirilir.

Bu dəfə şüar belədir: “Avtoyürüşlə kitabsızlığa və fərsizliyə zərbə vuraq”.

Aksiyada 20-yə yaxın tanınmış şair və yazıçının, o cümlədən Andrey Kurkov, Vasiliy Şklyar, İren Razbudko, Kapranov qardaşlarının iştirakı nəzərdə tutulur.

Amma başqa yazarlar da aksiyaya qoşula bilər.

Bundan başqa yazıçılar kitablara əlavə dəyər vergisinin tətbiqinə etiraz olaraq Beynəlxalq Valyuta Fondunun Kiyevdəki ofisi qarşısında etiraz aksiyası keçirəcəklər.

ƏDV-nin tətbiqini Ukrayna hökumətindən BVF istəyir, hazırda bununla bağlı hökumətlə danışıqlar aparılır.

Yürüş iştirakçıları Ukrayna Milli Yazıçılar Birliyinin, Ukrayna Naşirlər və Kitab Yayımçıları Assosiasiyasının müraciətini BVF-nin ofisinə təqdim edəcəklər.

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG