Bu gün Pakistan prezidenti Asif Əli Zərdarinin konstitusiyaya dəyişikliklər haqqında qanunu imzalayacağı gözlənilir.
Ölkə parlamentinin aşağı və yuxarı palatalarının bu ay qəbul etdiyi həmin qanun təsdiqlənərsə, hərbi diktatorlar Pərviz Müşərrəf və Ziya ül Həqqin hakimiyyəti dövründə xeyli artırılmış prezident səlahiyyətləri nəzərəçarpacaq qədər azaldılacaq. Prezident parlamenti buraxmaq və Baş naziri istefaya göndərmək səlahiyyətlərindən məhrum olacaq.