Dövlət Departamenti narkotiklərlə bağlı hesabatına dəyişiklik edib

ABŞ Dövlət Departamenti «Narkotiklərə nəzarət strategiyası - 2010» hesabatında Azərbaycanla bağlı dəyişiklik edib.

Bunu ABŞ-ın Azərbaycandakı müvəqqəti işlər vəkili Donald Lu jurnalistlərə açıqlamasında deyib.

Martın 2-də açıqlanmış hesabatda deyilirdi ki, qeyri-rəsmi statistikaya əsasən, Azərbaycanda 300 min narkoman var, onların da 30-35 faizi tələbələrdir.

Dəyişiklik zamanı həmin abzas hesabatdan çıxarılıb.

Bu, Azərbaycanda etirazlara səbəb olmuşdu. / Trend, APA /