Moskva metrosunun “Lubyanka” və “Park kultırı” stansiyalarında martın 29-u törədilmiş terror aktlarında ölənlərin sayı 39-a çatıb. Rusiya Səhiyyə Nazirliyinin məlumatına görə, xəstəxanalarda 71 nəfər yaralı var. Onların arasında ağır vəziyyətdə olanlar da var.
Rusiya prezidenti Dmitri Medvedyev “Lubyanka” stansiyasına baş çəkərək terror qurbanlarının xatirəsini anıb. O bildirib ki, terrorçuların hamısı tapılıb məhv ediləcək.