Dünyada hökumətlərin çoxu 2009-cu ildə də insan hüquqlarını kobud şəkildə pozmaqda davam edib. Bu haqda Dövlət Departamentinin dünya ölkələrində insan hüquqlarının vəziyyətinə dair ənənəvi illik hesabatında deyilir.
Hesabatda üç əsas məqam vurğulanır. Birincisi, 2009-cu ildə işgəncə, mühakiməsiz qətl və insan hüquqlarının digər pozuntularının təhlükəli həddə çatması, ikincisi, QHT-lərə qarşı yeni və çox vaxt olduqca sərt məhdudiyyətlərin tətbiqi, üçüncüsü isə cəmiyyətin zəif qruplarına qarşı ayrı-seçkiliyin və onların incidilməsinin artmasıdır.