Bakının Sabunçu rayonundakı 67 saylı orta məktəbdə baş verən yanğından sonra məktəbin bütün şagirdləri sabahdan etibarən yaz tətilinə buraxılır.
Zəminə Əliqızı deyib ki, martın 26-dək şagirdlərin yaxınlıqdakı məktəblərə bölüşdürülməsi məsələsi həll ediləcək və növbəti rübdə şagirdlər müvafiq məktəblərdə təhsillərini davam etdirəcəklər.
Bakı Şəhəri üzrə Təhsil İdarəsinin (BŞTİ) ictimaiyyətlə əlaqələr şöbəsinin rəhbəri Zəminə Əliqızı lent.az-a deyib ki, 1925-ci ildə inşa olunan məktəbdə 2000 minə yaxın şagird üç növbədə təhsil alır. Onun sözlərinə görə, bu gün baş verən yanğın 3-cü mərtəbədən başlayıb. Məktəbin əsas sütunları taxtadan olduğuna görə, yanğın bütün binanı əhatə edib və bu səbəbdən alovu söndürmək mümkün olmayıb. Nəticədə məktəb binası bütün avadanlıqlarla birgə məhv olub.