Keçid linkləri

2024, 28 Mart, Cümə axşamı, Bakı vaxtı 23:16

Herta Müllerin ərini güdmüş keçmiş casus işdən çıxarıldı


Herta Müller
Herta Müller
Almaniyanın Oppenhaym şəhərində keçiriləcək teatr festivalının direktoru, yazıçı Peter Grosz işdən azad edilib.

Buna səbəb onun 1970-ci illərdə Rumıniyada təhlükəsizlik orqanları ilə əməkdaşlıq etməsinin üzə çıxmasıdır.

Oppenhaym şəhər şurası yekdilliklə keçmiş casusun daha “direktorluq vəzifəsinə uyğun gəlməməsi” haqda qərar qəbul edib.

Milliyyətcə alman olan Grosz Rumıniyada anadan olub. Keçən həftə o kommunist Rumıniyasının təhlükəsizlik orqanı – Securitate ilə əməkdaşlıq etdiyini boynuna alıb.

Onun güdüb barəsində məlumat topladığı yazıçı həmkarları arasında Richard Wagner (2009-cu ildə Nobel mükafatına layiq görülmüş yazıçı Herta Müllerin keçmiş əri) də var.

Herta Müller və onun keşmiş əri də əslən Rumıniyadan olan almanlardır.

Grosz festival direktorluğuna keçən ilin oktyabrında gətirilmişdi.

Bəziləri hətta bu qalmaqalın Oppenhaym festivalının bu il baş tutacağını şübhə altına aldığını da söyləyir.

Festival 21 ildi keçirilir və minlərlə teatr həvəskarının şəhərə axışmasına səbəb olur.

Grosz deyib ki, Securitate ona təzyiq göstərərək əməkdaşlığa cəlb edib.

Grosz 1977-ci ildə Rumıniyadan Almaniyaya köçüb.

O daim gənc yazıçılara və aktyorlara kömək edib.

Grosz hazırda Maynts şəhərində müəllim işləyir.

Oppenhaymın meri Markus Held deyib ki, onlar yazıçının Securitate ilə əməkdaşlığına qiymət verməyiblər, sadəcə yazıçının öz keşmişi ilə bağlı məlumatları uzun müddət gizli saxlamasından məyus olublar.

Həmçinin oxu!

Herta Müller hökuməti casusları tapmağa çağırır

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG