Prezident İlham Əliyev Baş nazir Artur Rasizadənin “Şərəf” ordeni ilə təltif edilməsi haqqında sərəncam imzalayıb.
Prezident sərəncamında Baş nazirin Azərbaycan Respublikasının sosial-iqtisadi inkişafı üçün verdiyi böyük töhfələr verdiyi üçün mükafatlandırıldığını qeyd edir.
75 yaşlı Artur Rasi-zadə ixtisasca mühəndisdir. O, demək olar ki, 1978-ci ildən hökumətdə təmsil olunur:
1978-1981-ci illər - Dövlət Plan Komitəsi sədrinin müavini,
1986-1992-ci illər - Nazirlər Soveti sədrinin birinci müavini,
1992-1996-cı illər - İqtisadi Islahatlar Fondunda məsləhətçi,
1996-cı il – prezidentin köməkçisi,
1996-cı ilin may ayından Azərbaycan Respublikası Baş nazirinin birinci müavini,
1996-1998-ci illərdə Baş nazir,
1998-ci ildə Baş nazirin səlahiyyətlərini icra edən,
1998-2003-cü illərdə Baş nazir,
2003-cü ildə Baş nazirin birinci müavini,
2003-cü ilin noyabr ayından isə yenidən Azərbaycanın Baş naziridir.
Bundan əvvəl «Şərəf nişanı» ordeni ilə təltif olunub, neft maşınqayırması sahəsində keçmiş SSRİ Dövlət mükafatı laureatıdır.