İsrailin baş naziri Benyamin Netanyahu İrana qarşı daha sərt sanksiyaların tətbiqinə rəsmi Moskvanın dəstəyini qazanmaq üçün bu gün Rusiya prezidenti Dmitri Medvedyevlə görüşəcək.
İran uranın 20 faizə qədər zənginləşdirilməsinə başladığını elan etdikdən sonra Rusiya bu ölkəyə qarşı yeni sanksiyaların tətbiqinə etiraz etməyəcəyini bildirmişdi. Lakin yeni sanksiyaların Rusiyanın İrana S-300 raketləri satışına mane olmayacağı barədə xəbərlər İsraili narahat edir.