Bakıda güclü qarın yağması şəhərin bir çox rayonlarını işıqsız qoyub. Binəqədi, Əzizbəyov, Sabunçu rayonları, Xətai, Nəsimi, Nizami, Yasamal rayonunun böyük bir hissəsi işıqsızdır. Bakıətrafı kənd və qəsəbələrin əksəriyyətində işıq yoxdur.
“Bakıelektrikşəbəkə”nin mətbuat xidmətinin rəhbəri Tanrıverdi Mustafayev deyib ki, işıqların sönməsi hava şəraitiylə bağlıdır. Hava elektrik xətlərinin keçdiyi ərazilərdə çoxlu qırılmalar olub.