Keçid linkləri

2024, 28 Mart, Cümə axşamı, Bakı vaxtı 13:13

Ərdoğana «peyğəmbər» deyən adam AKP-dən qovulur


Rəcəb Tayyip Ərdoğan
Rəcəb Tayyip Ərdoğan
Türkiyə baş naziri Rəcəb Tayyip Ərdoğan ona «peyğəmbər» deyən AKP funksionerinin partiyadan istefasını tələb edib.

Bununla əlaqədar baş nazir Ərdoğan belə deyib:

«Belə bir ifadəni mən heç vaxt qəbul edə bilmərəm. Peyğəmbərlik zənciri qapanmışdır. Biz yaradılmış və yaradılan tabuları yıxmaq istəyən bir partiyayıq. Partiyamızın idarəçilərinə lazımi təlimatı verdim. Haqqımda bu ifadəni işlədən partiya üzvünün istefa verməsini və ya partiyadan xaric edilməsini tələb etdim».

AKP Aydın vilayət təşkilatının idarəçilərindən olan İsmail Hakkı çıxışlarının birində «Bu çatı altında olan hər kəs baş nazirimizə axıra qədər sadiq qalacaq, buna heç kimin şübhəsi olmamalıdır. Baş nazirimiz bizim üçün sanki, ikinci peyğəmbərdir» demişdi.

Təxminən 6 ay əvvəl isə AKP Dənizli vilayət təşkilatının çap etdiyi bir kitabda «Tayyip Ərdoğanın xətrinə dəymək peyğəmbərin xətrinə dəymək kimidir» sözləri yazılmışdı.

Müxalifətdəki Cümhuriyyət Xalq Partiyası bu kitabla bağlı prokurorluğa şikayət etmiş, prokurorluq isə təhqiqat aparılmasına ehtiyac olmadığına qərar vermişdi.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG