Keçid linkləri

2024, 29 Mart, Cümə, Bakı vaxtı 02:28

Tolstoy haqqında film iki "Oskar"a namizəddir


"Sonuncu stansiya" filmindən kadr
"Sonuncu stansiya" filmindən kadr
Dahi rus yazıçısı Lev Tolstoyun ömrünün son aylarından bəhs edən “Sonuncu stansiya” filmi iki əsas nominasiya üzrə Amerika Kino Akademiyasının mükafatını almağa namizəddir.

Almaniya istehsalı olan film “Oskar”a “ən yaxşı aktrisa” və “arxa planda ən yaxşı kişi rolu” nominasiyalarında namizəddir.

Bunlar Tolstoyun həyat yoldaşı Sofiya Andreyevna rolunu oynayan Helen Mirren və Tolstoyun özünü oynayan Kristofer Plammerdir.

“Sonuncu stansiya” “başıbəlalı” filmdir.

Almanlar filmi Tolstoyun ata yurdu Yasnaya Polyanada çəkmək istəyiblər, amma Tolstoy malikanəsindəki muzeyin rəhbəri, yazıçının nəslindən olan Vladimir Tolstoy buna icazə verməyib.

Buna görə film Rusiyanın bəzi qədim yaşayış məntəqələrində və Almaniyanın Brandenburq bölgəsində çəkilib.

Baş rolun ifaçıları da dəyişib. Əvvəlcə Tolstoy rolunu Entoni Hopkinsə, onun yoldaşı rolunu isə Meril Stripə təklif ediblər.

Amma sonradan bu baş tutmayıb.

Tolstoyun yoldaşı rolunu oynamağa razı olan Helen Mirren (onun atası Vasili Mironov Rusiyadan olan mühacir idi) demişdi ki, rolu çox gözəl sayır və Meril Strip roldan imtina etməklə səhvə yol verib.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG