Keçid linkləri

2024, 11 May, şənbə, Bakı vaxtı 05:36

Gədəbəydə işıq-qaz ödəmələri ilə bağlı ultimatum?


Əhali bircə yanvar ayının pulunu ödəməyib
Əhali bircə yanvar ayının pulunu ödəməyib
«Yarım saat ərzində borcunuzu ödəməsəniz işıq və qazınız kəsiləcək».

Gədəbəy sakini Mehman Əliyev deyir ki, yanvarın 30-da bir qrup məmur evlərin qapısını döyərək, sakinlərdən borclarını 30 dəqiqə ərzində ödəmələrini tələb ediblər:

«Polis, bələdiyyə işçiləri, inzibati ərazi vahidinin rəsmiləri elə bil banditdirlər, yer pulu alırlar, reketcəsinə deyirlər ki, 30 dəqiqəyə ödəməlisiniz».

Mehman Əliyev deyir ki, əhali bircə yanvar ayının pulunu ödəməyib:

«Camaat deyir pensiyamızı, maaşımızı verin, ödəyək, çörək almağa pulumuz yoxdur. Mən özüm dekabrın 29-da ödəmişəm. Bizə isə deyirlər ki, büdcəni doldurmaqdan ötrü edirik. Ödəyin, siz də aylıqlarınızı alın. Dövlət yəni o gündədir ki, bu yetim, dilənçi millətin puluna qalıb? Bəs neftin, qazın pulu hara getdi?».

Gədəbəy şəhər bələdiyyəsinin sədr müavini Zirəddin Səfərov da biraylıq borclarını ödəmələri üçün sakinlərə müraciət etdiklərini deyir:

«Qaz pulu, işıq pulunu ödəmirlər. Biz də vətəndaşlardan xahiş edirik ki, pulu ödəsinlər. Basqın filan yoxdur, xahiş edilir. Bir ayın borcudur. Ayın sonudur, başa salırıq ki, bank bağlanır, gedin, pulunuzu ödəyin. İşığı yandırırlarsa, onun haqqı da ödənilməlidir. Ancaq onları da qınamalı deyil, pensiya almayan və s. var».

Bələdiyyə rəsmisi bildirir ki, əvvəllər Gədəbəydə kommunal xərclərin ödənilməsində problem olmayıb. Bu ay baş verənlər isə büdcə ilə bağlıdır:

«Əvvəllər belə problem olmayıb, bu ay pensiya verilişi gecikir, büdcə açılmayıb. Bizdə hər zaman plan yerinə yetirilib».

AzadlıqRadiosu Jurnalistika üzrə Təqaüd Proqramı elan edir

AzadlıqRadiosunda iş

Azad Avropa/Azadlıq Radiolarına

İcraçı prodüser

Sosial media reportyoru/prodüseri

Sosial media redaktoru

tələb olunur

AzadlıqRadiosunu Rusiya hökuməti "arzuolunmaz təşkilat" elan edib

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG