Gədəbəydə məzunların 67 faizi attestat ala bilməyib

Bu barədə yanvarın 28-də Gəncədə zona müşavirəsində TQDK-nın sədri Məleykə Abbaszadə məlumat verib. Bildirib ki, rayonda məzunlardan 4 faizinin topladıqları bal 0-100 arası təşkil edib.

Gədəbəy rayon Təhsil İdarəsinin məsləhətçisi Nahid Allahverdiyev deyir ki, səbəb kadr çatışmazlığıdır.

«Ötənilki göstəricilərə görə, rayonda məzunlarımızın 67 faizi attestat ala bilmədi. Çünki rayonda müəllimlər azdır. Əsasən xarici dil, tarix, ədəbiyyat, biologiya və kimya müəllimləri demək olar ki, çox azdır, tələbatı ödəmir».