Keçid linkləri

2017, 26 Sentyabr, çərşənbə axşamı, Bakı vaxtı 04:05

İnternetdən qanunsuz olaraq 9 milyon kitab yüklənib


Keçən ilin son aylarında İnternetdən qanunsuz olaraq 9 milyon kitab yüklənib.

Bunu Internetin monitorinqini aparan “Attributor” şirkəti öz hesabatında yazır.

Dünyanın bir sıra böyük nəşriyyatlarının sifarişi ilə beynəlxalq şəbəkədə araşdırma aparan “Attributor” İnternetdəki 25 saytın surətini çıxarıb.

Həmin saytlarda biznes dərsliklərindən tutmuş populyar romanlara qədər yüzlərlə kitab təklif edir.

Məsələn, tanınmış Amerika yazıçısı Den Braunun “Angels & Demons” əsəri 8000 dəfə qanunsuz yüklənib.

“Attributor”un rəhbəri Rich Pearson deyir ki, belə qanunsuz yükləmələr nəşriyyatlara 3 milyard dollara qədər ziyan vurub.

Amma bəziləri hesab edir ki, bu rəqəm şişirdilib, çünki kitabları İnternetdən qanunsuz olaraq yükləyən şəxslərin bir çoxu heç vaxt həmin kitabları pul verib dükandan almazdılar.

Günün bütün mövzuları

XS
SM
MD
LG