Keçid linkləri

2024, 28 Mart, Cümə axşamı, Bakı vaxtı 12:32

25 min dollarlıq ədəbi mükafat Gürcüstanda qalmaqal yaratdı


Rusiyalı biznesmen Aleksandr Ebralidzenin gürcü yazıçılar üçün təsis etdiyi mükafat Gürcüstanda qalmaqal yaradıb.

Gürcüstandan olan bəzi yazıçılar müsabiqədə iştirak edib mükafat uğrunda mübarizə aparmağa razı olsalar da, yanvarın 13-də Gürcüstanın Yazıçılar Birliyi bəyanatla çıxış edib.

Birlik bildirib ki, müsabiqəylə heç bir bağlılığı yoxdur və münsiflər heyətinin işində də iştirak etməyəcək. “Biz siyasi oyunlarda iştirak etmək istəmirik”.

Bundan əvvəl Ebralidze öz namizədliyini Gürcüstan prezidentliyinə irəli sürmək istədiyini bildirmişdi. Amma onun Gürcüstan vətəndaşlığı yoxdur.

Buna cavab olaraq Gürcüstan rəsmiləri biznesmenin vaxtilə cinayətkar aləmlə əlaqələrinin olması haqda danışmağa başlamışdılar və biznesmen buna görə Gürcüstan parlamentinin müdafiə və təhlükəsizlik komitəsinin rəhbəri Givi Tarqamadzeni məhkəmə vermişdi.

Əslən gürcü olan Rusiyalı biznesmen dəyəri 25 min dollar olan mükafatı keçən ilin noyabrında təsis edib və həmin mükafatı Gürcüstanın tarixi qəhrəmanları haqda yazılan ən yaxşı əsərlərə görə vermək nəzərdə tutulur.

Gürcü çarı David Aqmaşenebelinin adına təsis edilən mükafatın qalibi fevralın 8-də açıqlanmalıdır.

AzadlıqRadiosunu Rusiya hökuməti "arzuolunmaz təşkilat" elan edib.

Əgər siz Rusiyadasınızsa, bu ölkənin pasportunu daşıyırsınızsa, yaxud orada daimi yaşayan, amma vətəndaşlığı olmayan şəxssinizsə, nəzərə alın- məzmunumuzu paylaşdığınıza, bəyəndiyinizə, şərh yazdığınıza, bizimlə əlaqə saxladığınıza görə cərimə və ya həbslə üzləşə bilərsiniz.

Ətraflı məlumat üçün bura klikləyin.

XS
SM
MD
LG