Parlamentin payız sessiyası başa çatdı

Milli Məclisin payız sessiyası başa çatdı. Parlamentin sədri Oqtay Əsədov sessiyanı bağlı elan etməzdən əvvəl dedi ki, bu müddət ərzində qarşıda duran məsələləri az-çox layiqincə həll etməyə nail olunub.

Parlament 31 dekabr Dünya Azərbaycanlılarının Həmrəyliyi Günü münasibətilə müraciət qəbul etdi. Müraciətdə dünya azərbaycanlılarına yaşadıqları ölkələrdə Azərbaycanın dilini, mədəniyyətini təbliğ etmək, ölkənin problemlərinin dünya ictimaiyyətinə çatdırılmasında səyləri artırmaq tövsiyə olunur.