Keçid linkləri

2024, 29 Mart, Cümə, Bakı vaxtı 01:55

Yatağın zəbt olunması neftin qiymətini qaldırıb


İran qüvələrinin İraqla sərhəd bölgəsində yerləşən neft yatağını tutması xəbərindən sonra dünən Nyu-York birjasında neftin bir barelinin qiyməti 71 dollardan 73 dollar 36 sentə qalxıb.

Məlumatlara görə 11 İran əsgəri sərhəddi keçərək İraqın cənub-şərqindəki neft yatağında İran bayrağını qaldırıblar.

İraq hökumətinin sözçüsü Əli al Dabbaq deyir ki, bu ölkənin suverenliyinin pozulması deməkdir və rəsmi Bağdad İran əsgərlərinin təcili bu ərazidən çıxmasını tələb edir.

O əlavə edib ki, İraq bu məsələni diplomatik yolla həll etmək istəyir.

İran Neft Şirkətinin sözçüsü isə bu ittihamı rədd edib və İraq ərazisindəki hər hanı bir yatağın zəbt edilmədiyini bildirib.
XS
SM
MD
LG