ABŞ prezidenti Barak Obamanın Kopenhagendəki konfrans çərçivəsində bu gün rusiyalı həmkarı Dmitri Medvedyevlə görüşəcəyi gözlənilir. Görüşdə nüvə silahlarının ixtisarı barədə yeni müqavilə ilə bağlı danışıqlar prosesi müzakirə olunacaq.
İki ölkə arasında 1991-ci ildə imzalanmış Strateji Silahların İxtisarı haqqında Müqavilənin qüvvəsi bu il dekabrın 5-də başa çatıb. İyuldakı Moskva görüşündə prezidentlər növbəti 7 il ərzində nüvə başlıqlarını 1500-1675 həddinədək azaltmaq haqda razılığa gəliblər.