Lerik işıqsızdır

Lerik rayonunda güclü külək rayonu işıqsız qoyub. Rayon Fövqəladə Hallar Komissiyasından verilən məlumata görə, rayonda 100-dən çox elektrik dirəyi aşıb, 3000 metrdən çox elektrik naqili qırılıb. Yüksək gərginlikli hava xətlərində baş verən qəza nəticəsində rayona elektrik verilişi dayandırılıb. Hazırda Lerikin heç bir yaşayış məntəqəsində elektrik enerjisi yoxdur.